დადგენილებ N1 “მმართველი საბჭოს” და “გაფართოვებული საბჭოს” უფლება-მოვალეობები

დადგენილება N1

ა(ა)იპ საქართველოს რაგბის მხარდამჭერთა კლუბის მმართველი ორგანო „მმართველი საბჭო“  ქმნის კლუბის აღმასრულებელ ორგანოს „გაფართოებულ საბჭოს“, განსაზღვრავს უფლებებს და მოვალეობებს.

„მმართველი საბჭოს“ უფლებები და მოვალეობები

1. „მმართველი საბჭო“ იტოვებს უფლებას განსაზღვროს „გაფართოებული საბჭოს“ წევრების რაოდენობა და შემადგენლობა. ასევე შექმნას თანამდებობა, როგორც „გაფართოებული საბჭოს“ ასევე „მმართველი საბჭოს“ დაქვემდებარებაში.
2. „მმართველი საბჭო“ განსაზღვრავს ა(ა)იპ საქართველოს რაგბის მხარდამჭერთა კლუბის პოლიტიკას სპონსორებთან, რაგბის კავშირთან, სახელმწიფოსთან, მედიასთან და არასამთავრობო ორგანიზაციებთან.
3. „მმართველი საბჭო“ ამტკიცებს და განკარგავს კლუბის ფინანსურ რესურსებს.
4. „მმართველი საბჭოს“  თავმჯდომარე ვალდებულია წელიწადში ერთხელ კლუბს წარუდგინოს ფინანსური ხარჯის ანგარიში და ანგარიშში შეიტანოს სახელფასო ხარჯები სურვილისამებრ.

“მმართველ საბჭოში” გადაწყვეტილებები მიიღება სრული თანხმობით.

„გაფართოებული საბჭოს“ უფლებები და მოვალეობები

1. „გაფართოებულ საბჭოს“ ეძლევა უფლება: დაგეგმოს, მართოს, განახორციელოს კლუბის აქტივობები.
2. „გაფართოებულ საბჭოს“ ეძლევა უფლება განსაზღვროს პოლიტიკა კლუბის შიდა რეგულაციებთან დაკავშირებით.
3. „გაფართოებული საბჭო“ განსაზღვრავს კლუბის სოციალურ, მედია პოლიტიკას თუ ეს არ ეწინააღმდეგება „მმართველი საბჭოს“ მიერ დადგენილ საგარეო პოლიტიკას.
4. „გაფართოებული საბჭოს“ წევრს ეძლევა უფლება შექმნას მის ქვეშ დაქვემდებარებული თანამდებობა, რომელიც პასუხისმგებელი იქნება „გაფართოებული საბჭოს“ წინაშე.
5. „გაფართოებული საბჭო“  მართავს კლუბის სტრუქტურულ ერთეულებს: რეგისტრატურას, ყოჩების ინსტიტუტს, კოორდინატორთა ინსტიტუტს, მენეჯერებს. თითოეულ სტრუქტურულ ერთეულს ყავს თავისი წარმომადგენელი „გაფართოებულ საბჭოში“, ხოლო წარმომადგენელს აქვს უფლება „გაფართოებულ საბჭოს“ მიმართონ წინადადებით.
6. „გაფართოებული საბჭო“ ადგენს და ამტკიცებს კლუბის შიდა მარეგულირებელ დოკუმენტს „ქცევის კოდექსს“ და ნიშნავს კოდექსის აღმსრულებელ პირს.

“გაფართოებულ საბჭოში” გადაწყვეტილებები მიიღება ხმათა უმრავლესობით (1/2 + 1 ხმა)

დადგენილება ძალაში შედის ა(ა)იპ საქართველოს რაგბის მხარდამჭერთა კლუბის ვებ გვერდ supporters.ge – ზე გამოქვეყნების მომენტიდან